ENQUISA XORNADAS AGROECOLOXÍA

Á finalización de cada xornada repartiuse un cuestionario de avaliación anónimo e  voluntario ás persoas participantes, co obxecto de avaliar distintos aspectos e extraer medidas de mellora para seguir traballando neste ámbito. Recolléronse un total de 114 enquisas:     

26 de novembro: 40 enquisas.

1 de decembro: 34 enquisas.

3 de decembro: 23 enquisas.

10 de decembro: 17 enquisas.
Moitas grazas pola vosa colaboración!!

A continuación reproducimos gráficamente as conclusións extraídas das mesmas.

Pregunta 1: “Os contidos desenvolvidos hoxe resultaron útiles e se adaptaron ás miñas expectativas”

Pregunta 2: "A tipoloxía da formación (xornada participativa) foi axeitada para a consecución dos meus obxectivos"

Pregunta 3: "As instalacións físicas foron axeitadas para o desenvolvemento da actividade"

Pregunta 4: "En xeral, a miña satisfacción respecto ó desenvolvemento da actividade é boa"

Pregunta 5: "Recomendaría a outras persoas realizar esta actividade"

Pregunta 6: "Cómo te enteraches destas actividades?"

Pregunta 7: "Incluirías outro contidos relacionados coa temática NATURALMENTE CANGAS?" 

Pregunta 8: "Qué outras accións sería interesante realizar en relación co proxecto?" 

 Pregunta 9: "O que se debería mellorar é..." 

 

Xornadas de Agroecoloxía 10 de decembro

10 DE DECEMBRO: PRODUCIÓN LOCAL DE ALIMENTOS E INTEGRACIÓN SOCIAL.

TERRA PARA VIVIR - IDEAS PARA CONSTRUÍR - CANGAS SUSTENTABLE

O xoves, 10 de decembro de 2015 tivemos a sorte de contar cos seguintes participantes:

Alborada Consiste nunha Asociación Cidadá de Loita Contra a Droga para a prevención, o tratamento e a inserción das persoas consumidoras de drogas, desenvolve o Programa Verdear fomentando a agricultura ecolóxica en Vigo con usuarios dos centros. Sitúase nos montes de Cabral (Vigo) e ten como obxectivo principal mellorar o acceso ó emprego.

Ultra_Alimento Iniciativa formada por un ultramarinos situado na praza de abastos de Lalín que aposta pola transformación social e a integración. Pretende a interacción social, presta unha atención personalizada, comparte vivencias e costumes relacionadas coa horta e establece alternativas de consumo. Ademáis ofrece charlas en colexios e asociacións interesadas co produto local.

Asociacion DOA: “O Juerto”. Esta experiencia parte da Asociación DOA de Saúde Mental co obxectivo de insertar no mundo socio laboral ós usuarios a través dun entorno coñecido como é a agricultura. Tamén traballan para lograr o máximo punto de autonomía dos usuarios.

Os produtos e as actividades atópanse relacionadas entre sí, contribuíndo ó reforzo positivo do seu esforzo no traballo. Esta iniciativa pon en valor a agricultura ecolóxica e tradicional.

Damos por rematadas as xornadas,vémonos nas próximas sesións

Un saúdo!!

Xornadas de agroecoloxía 3 de decembro

3 DE DECEMBRO: XESTIÓN COLECTIVA DE RECURSOS LOCAIS e XESTIÓN LOCAL DE RECURSOS COLECTIVOS

SUMAMOS ESFORZOS - COMPARTIMOS DECISIÓNS – OBTEMOS DESENVOLVEMENTO

O xoves 3 de decembro contamos coa participación das seguintes iniciativas:

Monte Cabalar Trátase dunha cooperativa de explotación comunitaria con máis de 1000 propietarios e conta chunha extensión de 700 hectáreas de monte no Concello da Estrada. Os seus principais obxectivos son loitar contra o lume e revalorizar o monte.

CMVMC Couso. Comunidade de Montes do Concello de Gondomar que conta con iniciativas de dinamización como é a producción Shii-take, o seu proxecto estrela.

Máis que Románico. Proxecto que se sitúa en Sober (Lugo) nos que os guías turísticos deseñan distintas rutas para coñecer o patrimonio que se esconde na Ribeira Sacra. Ademáis de iniciativas como xornadas e cursos.

Escapadas Rías Baixas. Trátase dun proxecto que comeza no 2009 pero, a partir do 2011 convértese en realidade grazas á empresa Aristóteles Gestión e Turismo SL, coa intención de colaborar cos negocios e fomentar os destinos turísticos a través da rede. 

Xornadas de Agroecoloxía 1 de decembro

QUÉ COMEMOS E DE ÓNDE O TRAEMOS

+ CALIDADE DE ALIMENTOS - EMISIÓNS DE CO2 = COMEMOS CANGAS

O pasado martes, 1 de decembro tivemos a sorte de contar coas seguintes iniciativas invitadas:

Mercado de Alimento Labrego. É unha iniciativa que xurde por parte do Concello de Teo; un mercado no que, unha vez á semana, é o punto de encontro entre produtores e consumidores.

Potencia o consumo de produto local e fomenta o comercio de proximidade.

Grupo de Consumo Semente. É un colectivo de Oursense que buscan que os produtos que mercan sexan saludables e respetuosos co entorno, contribuíndo a manter vivo o comercio rural forxando relacións de confianza entre o vendedor e o comprador.

Nutre En Bio. Cooperativa adicada ó cultivo de produtos de agricultura ecolóxica, que comercializa con produtos frescos de horta, cunha venta directa e entrega a domicilio.

Papirrubios da Granxa. Grupo autoxestionado de consumo responsable, que comeza a funcionar no ano 2013. Ten os seus pilares no traballo compartido e na colaboración entre ambos.

Xornadas de Agroecoloxía 26 de Novembro

Bos días amigos!!

TERRAS SEN USO, RECURSO PARA UN NOVO CURSO

VELLAS TERRAS PARA UN NOVO CURSO DAS COUSAS

O pasado xoves, 26 de novembro tivemos como participantes a diferentes entidades que nos mostraron as súas vivencias, como son:

ADR Mariñas-Betanzos. Trátase dunha Asociación de Desenvolvemento Rural Mariñas- Betanzos que desenvolve o Plan Alimentario dentro do cal se están implementando unha Bolsa de Terra e iniciativas de fomento da producción e consumo local.

Amigos da Terra. É unha entidade ecoloxista que expón iniciativas que desenvolve a través de proxectos de hortas comunitarias, sempre tendo en conta a educación ambiental e a concienciación cidadá.

Verxel de Coiro. É unha iniciativa local de Cangas que se basea nos produtos de horta agroecolóxica, sostible e que respeta o medio ambiente.

Difusión Xornadas Naturalmente Cangas: agroecoloxía, consumo responsable e desenvolvemento local

Bos días emprendedores/as!!

A agricultura ecolóxica e o consumo responsable son conceptos en alza nunha sociedade que valora cada vez máis o séu carácter de actividade respectuosa co medio ambiente e coa saúde das persoas. Esta demanda crecente por parte dos consumidores supón unha oportunidade para as pequenas explotacións agrarias e negocios complementarios, favorecendo o mantemento de formas de vida dignas e sostibles no medio rural.

Por esta razón o Concello de Cangas, consciente dos seus recursos naturais e humanos nalgúns casos pouco aproveitados, con terras de cultivo sen uso que requiren de iniciativas mobilizadoras impulsa estas Xornadas: NATURALMENTE CANGAS: AGROECOLOXÍA, CONSUMO RESPONSABLE E DESENVOLVEMENTO LOCAL, co obxecto de dar difusión a experiencias de aproveitamento de recursos locais, e outras  que se desenvolven noutros espazos que comparten similitudes con Cangas.

TRÍPTICO:

 CARTAZ:

Os obxetivos principais son:

-         Crear un espazo de reflexión e participación cidadán entorno ó aproveitamento dos recursos locais.

-         Difusión de iniciativas innovadoras no campo da agroecoloxía, a integración social e a valorización patrimonial.

-         Fomento de novas oportunidades laborais a partir de recursos endóxenos.

-         Mellorar a calidade de vida dos veciñ@s.

-         Creación de redes de traballo.

Estructurouse en catro sesións, en horario de 19:00 a 21:00 horas.

Queremos darlle difusión, para que si o considerades oportuno, asistades e asemade compartades o contido das mesmas cos vosos contactos.

A inscripción non é obrigatoria, pero facilitaría a nosa labor debido ás limitacións de aforo do lugar onde se realizan: O Salón de Plenos do Concello de Cangas. 

Agardamos a vosa presenza.

Saúdos!!

Emprendendo en comercio electrónico con éxito, coa colaboración de Infinitum Ecomerce e Corvus Belli

Bos días amig@s!!

 O pasado mércores 11 de xuño de 2014 celebrouse na Casa de Oficios Lorenzo Corbacho o obradoiro de “Emprendendo en comercio electrónico con éxito” que contou coa colaboración de Mari Carmen Fernández de Infinitum Ecomerce , empresa local adicada ó asesoramento en comercio electrónico, así como de Alberto Aval, de Corvus Belli , iniciativa adicada á creación de miniaturas para xogos de rol, con grande expansión internacional.

Mari Carmen falounos dos factores a ter en conta á hora de planificar a difusión da nosa empresa en internet, aspecto previo ó deseño da nosa tenda on-line.

Así, explicounos os pilares dunha tenda on-line, e as estratexias máis axeitadas a seguir tendo en conta as características dos nosos productos/servizos.

Pola súa banda, Alberto, contounos a súa experiencia emprendedora na empresa Corvus Belli, que cunha andaina de casi 14 anos vendendo maioritariamente en internet en diversos países, conta con máis de 50 traballadores/as e se atopa nun proceso de expansión na actualidade.

Nos vemos nas vindeiras edicións do aula do emprendedor!!

Un saúdo!!

A imaxe comercial como factor clave na apertura ou relanzamento dun negocio por Nélida Carracelas de Imagesc

Bos días emprendedores/as!!

Toca tirar conclusións do obradoiro “A imaxe comercial como factor clave na apertura ou relanzamento dun negocio” impartido o pasado xoves 15 de maio en colaboración con Nélida Carracelas  de Imagesc, empresa local adicada ó escaparatismo, decoración e interiorismo.

Os contidos que se impartiron abordaron exemplos, consellos e recomendacións para facer que a imaxe comercial xogue sempre a favor do negocio, como elemento fundamental na captación de clientes.

Así, Nélida recomendounos  fuxir de tendas estáticas, rotando mercancías, productos e servizos de xeito que o cliente perciba ese movemento.

Asemade resaltou a importancia de manterse sempre esperto/activo respecto ás reacións de clientes e competencia, aconsellando a lectura do libro “Quén se levou o meu queixo” de Spencer Johnson.

Destacar e agradecer a gran participación dos/as emprendedores/as asistentes.

Manterémosvos informados/as das novas actividades do "Aula do Emprendedor" para o mes de xuño 2014.

Unha aperta a todos/as!!

Xestoría Moldes e a importancia da elección da forma xurídica axeitada para a nosa empresa

Bos días amig@s!

O pasado martes 29 de abril de 2014 celebrouse na Casa de Oficios Lorenzo Corbarcho, coa colaboración de Elena Moldes da Xestoría Moldes o obradoiro sobre “a importancia da elección da forma xurídica axeitada para a nosa empresa.”

Os puntos máis relevantes que debemos analizar para chegar á conclusión de cal será a forma xurídica máis acorde co noso futuro negocio, segundo se tratou este día, serán os seguintes:

1. Número de socios.

2. Capital social mínimo esixible.

3. Desembolso inicial necesario.

4. Responsabilidade.

5. Fiscalidade.

Todos eles aspectos de suma importancia na definición da nosa idea de empresa.

Queremos agradecer a vosa participación, e lembrar que o 14 de  maio as actividades da Aula do Emprendedor se retomarán co seminario “A imaxe comercial como factor clave na apertura ou relanzamento dun negocio".

Unha aperta!!

INMOBILIARIA LARES E AS CLAVES PARA A ELECCIÓN DUN LOCAL DE NEGOCIO.

Bos días amigos/as!!

En base ás vosas demandas, o pasado xoves 30 de xaneiro contamos con Cintia e Juanma, de Inmobiliaria Lares, para abordar un tema moi interesante para calquer emprendedor/a que necesite unha ubicación física para a prestación do seu servizo ou vender o seu producto: "Claves para a Elección dun Local de Negocio".

O obradoiro, moi ameno, claro e participativo, seguiu a seguinte estructura:

1) Elección entre aluguer ou compra do local, plantexándose a opción  do “coworking”.

2) Ventaxas e inconvintes entre locais preparados e lóbregos, en función de varios aspectos: o poder de negociación, os custos a asumir, o risco asumido na operación...

3) A importancia da ubicación, desmitificando un pouco o paradigma "place, place, place", e matizando que son os nosos clientes, os que nos van a definir cal será a ubicación idónea.

4) O prezo e as posibilidades de negociación, xa que temos que ter claro, emprendedores/as, cal vai a ser o máximo custo por este concepto que poderemos asumir, en función dos ingresos previstos.

5) A determinación da superficie óptima do negocio, matizándonos que o asesoramento dun profesional na materia vai ser un elemento esencial neste apartado.

6) Distribución do local, tenda en conta as nosas necesidades e o consello de técnicos ou interioristas.

7) Adecuación á normativa.

Excelente charla, e moi ilustrativa. Esperamos voltar a contar con Inmobiliaria Lares na Aula do Emprendedor do Concello de Cangas, para seguir profundizando na materia.

Pola nosa parte, remitirémoslle por mail  ós/ás asistentes o apoio didáctico da ponencia enviado por Inmobiliaria Lares. 

Grazas a todos os que facedes posibles estas iniciativas!!

Unha aperta.

CÓMO MADURAR UNHA IDEA DE NEGOCIO CON ACEGA. CONCLUSIÓNS.

Bos días amigos/as!!

O pasado xoves 12 de decembro de 2013, tivemos a sorte de contar con Antonio Pérez, profesional da Asesoría  ACEGA, para brindarnos recomendacións, consellos, trucos e exemplos para avaliar, de xeito sinxelo e rápido, a nosa idea de negocio.

En primeiro lugar identificamos de xeito claro a nosa idea, que debe ser adaptada ós nosos gustos e aficións, e que seguro será un éxito se realmente nos apaixona.

Despois desenvolveremos o modelo de negocio máis axeitado para a nosa idea, tendo en conta a proposta de valor que lle ofreceremos ó mercado.

En terceiro lugar definiremos a estratexia de negocio a corto e medio prazo... pois temos que ter sempre en conta, emprendedores/as,  a ónde queremos chegar, e qué nos axuda ou impide conseguilo.

Posteriormente, Antonio Pérez falounos da importancia de facer unha proba de mercado, de non ter medo a comentar e explicar a nosa idea, buscando propostas que a enriquezan.

Por último, claro está, toca facer contas e analizar a rendibilidade da idea, pois non só debe ser útil e desexable, senón que tamén nos ten que xerar ingresos suficientes.

Pois nada máis, amigos/as, só me resta agradecer coma sempre a vosa multitudinaria presencia e participación nas convocatorias do Aula do Emprendedor do Concello de Cangas, ateigando as nosas salas formativas, e dicirvos que por cortesía de Antonio, os 20 asistentes recibiredes vía correo electrónico a presentación power point que utilozou na ponencia.

Nos vemos nas vindeiras edicións do Aula do Emprendedor!!

Unha aperta.

CLAVES PARA VENDER POR INTERNET CON AUGENBLICK. CONCLUSIÓNS.

Bos días amigos/as!! 

O mércores 27 de novembro tivemos o luxo de contar con Mauricio Mesa e Abilio Almeida, de Augenblick Technologie dentro da convocatoria deste mes do Aula do Emprendedor para expoñernos cales són, ó seu xuizo,  AS CLAVES PARA VENDER POR INTERNET.

Como queremos aprobeitar ó máximo esta experiencia e sabemos que pola limitación de plazas moitos de vós vos quedastes sen poder asistir ó obradoiro..., aquí vos deixamos, emprendedores/as un resumo das mesmas:

- CONTAR CUNHA TENDA ON LINE RESPONSIVE, é dicir, que esté adaptada ós distintos dispositivos móbiles e tamaños de pantalla.

- DISPOR DUN PANEL DE CONTROL cómodo, completo e adaptado ás vosas necesidades.

- DESEÑO COIDADO DA POLÍTICA DE SHIPPING (envíos), tendo en conta as características da mercadoría, packaging e imaxe corporativa.

- TER CLARA A ESTRATEXIA DE MARKETING POR PRODUCTO, pois debe ser posicionado de xeito individual.

- PASARELA DE PAGO confiable, rápida e segura.

- POLÍTICA DE ANÁLISE CONSTANTE DAS VOSAS ESTRATEXIAS, medindo cada campaña e aprendendo das conclusións.

Moitas grazas pola vosa participación e curiosidade emprendedores/as, seguiremos dándovos soporte para facilitar a posta en marcha das vosas ideas de negocio!!! =) =)

Saúdos.

APRENDER A EMPRENDER CON INTERPYME. CONCLUSIÓNS FINAIS.

Bos días emprendedores/as!!

Toca tirar conclusión  do   obradoiro "Aprender a emprender" , impartido o pasado martes 29 de outubro de 2013, e dirixido especialmente ós/ás mozos/as emprendedores/as do noso ámbito municipal.          

Queremos comezar agradecendo a numerosa presenza  e activa participación dos máis de cen alumnos/as e profesores/as dos institutos de educación secundaria da localidade (IES María Soliño, IES Rodeira e IES Monte Carrasco),  ateigando o Salón de Plenos. Tamén temos que resaltar e agradecer a dedicación, o esforzo e o "bo facer" dos poñentes,  Tito Iglesias e Mercedes Fernández de Interpyme.

O obradoiro, baseado na transmisión das numerosas experiencias vitais ligadas ó emprendemento dos poñentes, comezou cunha reflexión entre todos/as sobre as principais características da "persoa emprendedora", fundamentais para unha toma de conciencia da  situación de partida global e persoal e puntos de mellora.

A continuación a exposición de exemplos e experiencias, introduciu o debate e a tira de conclusións e recomendacións. Aquí vos deixamos, a modo de resume, un estracto das que nos pareceron máis relevantes: 

1. O  traballo en equipo, e o asociacionismo conforman un "caldo de cultivo" moi positivo para o xurdimento de iniciativas emprendedoras de todo tipo: cultural, deportivo, social, económico...

2. O contacto interxeneracional parece fundamental, tanto para aprender da experiencia como para detectar oportunidades.

3. A investigación e observación do entorno, mostra oportunidades.

4. Viaxar e descubir.

5. Formarse.

6. Desfrutar no camiño.

Destacades algo máis???

Manterémosvos informados/as das novas actividades do "Aula do Emprendedor" para os meses de novembro e decembro de 2013.

Unha aperta a todos/as!!