EMPRENDENDO...POR ÓNDE EMPEZAR? RETOMAMOS O AULA DO EMPRENDEDOR/A.

Chega o verán, un momento no que emprendedores/a e buscadores/as deberemos estar máis atentos/as que nunca para poder detectar oportunidades que nos permitan acadar ou crear o emprego que procuramos.

 Por ese motivo,  o Concello de Cangas volta a poñer en funcionamento a AULA DO EMPRENDEDOR.

Neste caso, grazas a un acordo de colaboración  entre Concello de Cangas, Fecimo e as principais asesorías e consultorías do municipio, os/as emprendedores/as do municipio e persoas interesadas polo autoemprego en xeral, poderán acudir de xeito gratuíto a uns obradoiros prácticos e interactivos que axuden a aclarar dúbidas e doten  ós/ás asistentes de formación específica neste tema.

Comezaremos o martes 3 de xullo co obradoiro “Emprendendo... por ónde empezar”, impartido por Tito Iglesias Pastoriza e Mercedes Fernández Gestido, da empresa Interpyme, ás 10:30 horas na Casa de Oficios Lorenzo Corbacho en Cangas. Queredes saber de qué vai??

Emprendendo…¿por onde empezar?  Tendencias de mercado, sectores emerxentes e recursos endóxenos.

Na cabeza do emprendedor/a descorren numerosas ideas, unhas poucas  poden derivar en proxectos e algún deses proxectos poden concluír nunha iniciativa empresarial.

As ideas emprendedoras non xorden gratuitamente, solen nacer a partir da observación do entorno,  da captación de tendencias e oportunidades que nos ofrece o territorio, a sociedade, a economía, etc. unido ás propias capacidades e formación do emprendedor/a.

Así pois, é preciso mellorar a sensibilidade e capacidade dos emprendedores/as para detectar e captar oportunidades de negocio a partir de tendencias do entorno e outras experiencias empresariais.

Obxectivos

§         Saber identificar os puntos fortes do emprendedor/a.

§         Mellorar a sensibilidade e capacidade de identificar tendencias,  oportunidades e recursos endóxenos.

§         Favorecer a actitude e a sensibilidade emprendedora.

§         Dar a coñecer o concepto de proposta de valor.

§         Identificar as fases previas a una iniciativa emprendedora.

Metodoloxía

Os poñentes coñecen de primeira man experiencias emprendedores que recentemente se deron no noso entorno. A partir destes casos  se  establecerá un diálogo cos asistentes cara a identificar os puntos fortes e as tendencias que favorecen o desenvolvemento de tales proxectos. Este diálogo servirá para activar mentalmente os participantes, clarificar conceptos e mellorar a capacidade para identificar ideas emprendedoras.

Programa

• Presentación
• Introdución dós conceptos: fortalezas, oportunidade e proposta de valor.
• Exposición de pequenas experiencias emprendedoras do noso entorno, análise e diálogo cós participantes.
• As fases previas a una iniciativa emprendedora.

• Conclusións

  

Dirixido a  empresarios e potenciais emprendedores

Data: Martes 3 de xullo de 2012

Lugar: Casa de Oficios Lorenzo Corbacho

Hora: 10:30 horas

Duración aproximada: 1 hora e media.

Necesaria preinscripción nas oficiñas da Axencia de Desenvolvemento Local de Cangas.

ESPERÁMOSVOS!!!

CONSELLOS PARA QUE O TEU CURRÍCULO DESTAQUE

Bos días!!

O que sabemos todos/as hoxe en día é que para a maioría das ofertas de traballo hai moitas candidaturas para un mesmo posto, pero non por iso imos a deixar de presentar o noso currículo. 

O noso obxectivo é conseguir unha entrevista,  pero...¿ qué podemos facer para que o noso currículo destaque de entre os demáis? 

De seguido daremos algúns consellos:

·        Hai que coidar a presentación. Aínda que pareza obvio, debe estar escrito a ordenador, sen faltas de ortografía e sen tachóns. Por poñer un exemplo: se cambiaches de número de teléfono,tes que facer un novo currículo, non taches o anterior e o poñas a man, pois da mala imaxe.

·        Á hora de redactalo, debes elixir unha letra normal (arial, times new roman…)porque senón dificultarás a lectura, e dun tamaño de ata 12 puntos, e manter as marxes.

·        Resalta o máis importante, como os datos persoais: debes deixalos ben claros. O nome e sobre todo o medio de contacto, ben sexa o teléfono ou/e o email.

·        O CV ten que ser claro e conciso. O que queremos dicir é que evites usar frases que non aporten nada ou frases feitas.

·        Como saberás xa, o CV non debe ter máis de dúas páxinas, preferiblemente debe ter unha. No caso de que teñas moita experiencia ou/e formación, e non te colle nunha soa páxina, non debes comprimir a información, posto que tampouco se vería moi ben nin se entendería, incluso daría mala imaxe, neste caso, o que poderías facer é poñer a experiencia ou a formación referida ao posto.

·        Usa palabras curtas e frases breves para evitar erros de comunicación cando redactes o currículo. E tamén evita as abreviaturas porque se non son moi obvias pode inducir ao erro.

·       Inclúe unha foto actual e de tamaño carné, destinada para o currículo. Preferiblemente posta arriba á  dereita,posto que é máis visible.

·        Non esquezas adapta-lo currículo a cada oferta de emprego que o envíes. E aínda que  fagas autocandidatura tamén o debes adaptar, ¿cómo? pois investigando a empresa, sabendo qué postos existen nela,  para saber que perfil poden precisar.

Jenifer Cristóbal Fernández. Orientadora laboral.

LISTADO ETTs PONTEVEDRA

Luns, día sollío de primaveira tra-las vacacións de Semana Santa.... hoxe semella un bo día para retomar as visitas ás ETTs, organismos que non podemos esquecer se intentamos levar a cabo unha busca de emprego efectiva.

Para facilitarvos este trámite, aquí vos deixo un listado das principais empresas de traballo temporal da nosa zona.

Un saúdo e a por todas!!! =)

PROFESIONALES EN TRÁNSITO

Durante moitos anos, buscar traballo xa era considerado un traballo en si, todo bo manual para buscadores de emprego, relataba e relata unha serie de tarefas de obrigado cumprimento,famosas foron as axendas onde anotar las accións diarias, semanais e mensuais na busca de emprego, as listas de contactos, de empresas onde deixar o C.V, etc.

Nesta realidade, que divide os medios de produción da forza do traballo, os profesionais eran considerados como entes estáticos, persoas que adquiriran unha formación e/ou experiencia que os capacitaba para exercer unha profesión, coa única obriga de encontrar ao empregador que lles permitira demostrar ditos coñecementos e destrezas aumentando os beneficios da organización nunha especie de simbiose de por vida.

Que se está a producir un cambio é innegable, que sexa a mellor ou a peor dependerá en boa medida de como sexamos capaces de adaptarnos a estes novos cambios, de cómo sexamos capaces de transitar dun modelo a outro.

Do mesmo xeito que a revolución industrial despobou o campo de man de obra para encher as industrias, que trouxo prosperidade e mellores condicións laborais, agora transitamos a un novo modelo que está a despoboar ditas industrias e desmontando o que ata agora coñecíamos.

A nova situación que estamos a vivir, obríganos a reinventarnos e moi probablemente o novo modelo que se aveciña nos obrigue a facelo de xeito continuado, dándolle un dobre sentido ao concepto de tránsito.

Tránsito porque tal e como se presenta o futuro, nada volverá a ser como antes,a nosa vida será un continuo tránsito, aprendendo e desaprendendo unha e outra vez obrigándonos a reinventarnos continuamente,  a pensar en novas ideas de negocio, a potenciar o talento, a innovación e o desenvolvemento.

E tránsito que nos obriga a estar a cabalo dun modelo e outro, desconcertados, como aquel labrego que tiña que abandonar el campo rumbo á cidade, ao descoñecido intentando descubrir que nos pode servir do que coñecemos, como aproveitar a nosa formación e experiencia, desconcertados porque nunca saberemos en qué momento e onde utilizar a nosa axenda de busca de emprego e en qué momento e onde utilizar a nosa capacidade de desaprender e aprender.

Ábrese un novo mundo de oportunidades, de ti depende adaptarte, superarte y aproveitar as bondades de todo cambio, ou pola contra quedar estancado en vellos modelos e estruturas caducas. O mundo está aí, ti estás aí, descubre un novo mundo a túa imaxe e semellanza.

Que a sorte te acompañe!

José María García Velázquez. Orientador laboral Clube do Emprego-3.

AVALIEMOS A NOSA PROCURA DE EMPREGO

Á hora de atopar un emprego, é fundamental que manteñamos unha actitude de autoavaliación constante que nos permita detectar posibles melloras que incorporar ó nosos hábitos. 

Temos moitas ferramentas ó noso alcance. Realmente estamos aproveitando todas elas?

Aquí vos deixamos unha check-list:

•   Servizo Galego de Colocación: Neste servizo podemos atopar ofertas de emprego e ofertas de formación. Tamén dispón dunha páxina web: www.emprego.xunta.es na que podemos consultar os seus servizos.

• As Empresas de Traballo Temporal (ETT), estas son servizos de intermediación entre a empresa contratante e os buscadores de emprego.Tamén teñen buscadores de ofertas de emprego a través das súas páxinas web.

• Bolsas de Emprego; trátase dun listado que teñen algunhas empresas para cubrir postos de forma eventual, ven sexa para cubrir baixas, vacacións, etc…Estas dánse tanto nas empresas privadas como no sector público, neste último caso, o máis habitual son as listas de substitución.

• Autocandidatura, é dicir a visita directa a empresas para entrega-lo  noso currículo. Antes de comezar é importante que fagamos unha lista das empresas interesantes, e que coñezamos un pouco a actividade da empresa antes de enviarllo.A autocandidatura ata o de agora é a máis usada pero a máis frustante, pois non se conseguen resultados inmediatos, senón que se poden conseguir a longo prazo, pero é igualmente efectiva. A autocandidatura, como sabemos, normalmente faise de forma presencial, pero é ben certo que tendo internet é máis facil, así que outra posibilidade é envialo por email. Ou ben,se teñen páxina web, pois por medio da web.Unha das preguntas máis frecuentes é: pódese repetir a autocandidatura na mesma empresa na que xa o fixemos? Pois si, pódese, pero non todas as semanas, senón cada 2 ou 3 meses, ou ben nos enteramos que hai unha oferta de emprego, ou, dependendo do sector, se comeza unha tempada alta, tamén podemos volver a deixar o currículo. Para isto hai que levar un control das empresas as que llo enviamos.

• Rede de Contactos ou Networking: é un recurso complementario que nunca debe faltar na nosa busca planificada de emprego. Se trata de que a  xente que coñezamos saiba que estamos buscando emprego e qué emprego buscamos, para que si saben dalgún posto vacante nos avisen para poder poñernos en contacto coa empresa para ocupar ese posto ou ben nos recomenden. Para poder sacarlle partido a rede é recomendable que fagamos unha lista coa xente que coñezamos; primeiramente os familiares, amigos, coñecidos, antigos compañeiros de traballo, xefes...e cos datos que consideredes importantes, por exemplo; o seu teléfono de contacto e/ou o mail, se está traballando, e en que sector ou está desempregado, etc. Hai que decatarse de que nós tamén formamos parte da rede, e debemos facelo mesmo cos demais se queremos recibir resposta.

Así pois,  aínda que hoxe en día atopar o emprego que buscamos non é doado, é posible, simplemente debemos organiza-lo tempo que invertimos en buscar emprego, para que sexa efectivo, non esquecer que , un dos fallos que cometemos todos cando comezamos é tentar facelo todo nun mesmo día,  e despois deixalo por semanas. A clave é a constancia.

Jenifer Cristóbal Fernández. Orientadora laboral.

E TÍ... TÉS CLARO O TEU OBXECTIVO PROFESIONAL?

Mamá, de maior quero ser artista!

Qué emprego buscas? Cales son os teus obxectivos profesionais? Antes de comezar a túa busca de emprego tes que ter claro qué vas buscar. A primeira actividade do teu plan de busca de emprego será definir un obxectivo profesional.

Pero cómo defino o meu obxectivo profesional?

O primeiro que tes que facer é definir en qué profesional te queres converter ou en qué área queres desenvolver as túas competencias. O investimento que vas a ter que facer é grande en tempo, recursos e tamén por qué non, en cartos. Toma o teu tempo, porque aínda que sempre poderás cambiar o teu obxectivo profesional, terás que volver a repetir os pasos anteriores. Lembra que "aprendiz de todo e mestre de nada" non é unha alternativa.

Sabes en qué queres traballar? Sabes se es un bo profesional nese área? Se contestaches afirmativamente á primeira pregunta terás que pasar necesariamente á segunda. Seguro que sempre che gustaron las películas de investigación, aquí tes a túa oportunidade de pasar á acción. Descobre qué titulación se necesita (si non a tes, terás que comezar por aí), se debes especializarte nalgún campo en concreto (gústache máis o dereito penal ou laboral, a cociña ou a barra do bar), en qué condicións se desenvolve esa profesión (encántame poñer copas pola noite, pero os fins de semana son para pasalos en familia) qué horarios, qué tipo de empresas desenvolven esas actividades.Se as túas dotes de detective non se atopan entre os teus puntos fortes, sempre podes pasarte por calquera servizo de orientación, público ou privado, mirar as especialidades de formación profesional ou certificados de profesionalidade, os cursos de formación ocupacional dos servizos públicos de emprego, pregunta a amigos o coñecidos sobre o seu traballo.

Especialízate, se cres que xa tes unha profesión, uns estudos ou unha experiencia profesional, busca a excelencia, fai un listado de todas aquelas cousas que poidan mellorar a túa empregabilidade.

Se xa elixiches o teu obxectivo profesional, agora tes que marcarte un plan de traballo, canto tempo vas a dedicarlle: diario, semanal, mensual, en definitiva, márcate obxectivos a corto, medio e longo prazo e lembra que seguir o teu obxectivo profesional implica participar en cursos e actividades de formación relacionados coas profesións que elixiches.

Seguir o teu obxectivo profesional non significa que non poidamos traballar noutra cousa, se necesitamos cartos, é inevitable ter que traballar, pero procura que ese traballo interfira o menos posible no teu obxectivo profesional, porque iso será o que te fará feliz no teu traballo.

José María García Velázquez. Orientador laboral.

PRESENTACIÓN FOTOGRÁFICA CLUBE EMPREGO-3

Boas noites a todos/as!!

Estaba repasando este blogue que tantas veces estou a piques de actualizar, e me acabo de decatar que non temos recollida aínda a excelente presentación fotográfica que realizou con tanto cariño  Fredo, informático do Clube do Emprego-3.

Así que aquí nos queda  =).

Fredo, Auri, Jenni, e José María... unha aperta!!

INFORME DE RESULTADOS CLUBE DE EMPREGO-3

Bos días as todos/as,

Despois de catro meses e medio a todo gas dinamizando a poboación local na busca de emprego dentro do proxecto Clube do Emprego-3, chega o momento de facer balance final, e analizar os resultados derivados desta experiencia.

Como sabedes, os servizos ofrecidos foron básicamente os prestados nas anteriores edicións:

- Asesoramento laboral
- Bolsa de emprego
- Obradoiros
- Fomento das Tics
- Fomento do Emprendedurismo

pero si  algo  temos que destacar dentro das principais melloras levadas a cabo neste periodo (19 agosto a 31 de decembro de 2011), mencionaríamos o reforzamento espectacular dos obradoiros  impartíndose un total de 27 accións formativas das que se beneficiaron máis de 300 asistentes.

Nº	NOME		DATA IMPARTICION	Nº PARTICIPANTES
1	ATENCIÓN Ó CLIENTE		05/09/2011	26
2	ENTREVISTAS I		07/09/2011	10
3	ENTREVISTAS II		09/09/2011	7
4	ENTREVISTAS III		15/09/2011	8
5	CERTIFICADOS DE PROFESIONALIDAD		16/09/2011	14
6	COMUNICACIÓN EFICAZ		23/09/2011	22
7	ENTREVISTAS IV		26/09/2011	15
8	ESCOITA ACTIVA		29/09/2011	17
9	OBXETIVO PROFESIONAL I		03/04/2011	14
10	CORREO ELECTRONICO I		04/10/2011	12
11	ASERTIVIDADE		06/10/2011	16
12	ENTREVISTAS V		10/10/2011	10
13	BÚSQUEDA EMPREGO POR INTERNET I		11/10/2011	12
14	HABILIDADES SOCIAIS PARA O EMPRE.		13/10/2011	10
15	OBXETIVO PROFESIONAL II		17/10/2011	6
16	CORREO ELECTRONICO II		18/10/2011	8
17	ORGANIZACIÓN DO TEMPO		20/10/2011	15
18	ENTREVISTAS VI		24/10/2011	10
19	BÚSQUEDA EMPREGO POR INTERNET II		25/10/2011	11
20	BUSCA ACTIVA DE EMPREGO		27/10/2011	5
21	COMO FACER QUE DESTAQUE O C.V.		31/10/2011	11
22	CREACIÓN CONTA CORREO LECTRONICA		15/11/2011	4
23	REFORZO CORREO ELECTRONICO		16/11/2011	9
24	BUSCA DE EMPREGO POR INTERNET		17/11/2011	4
25	CONTROL DE ESTRÉS/ ANSIEDADE	22/11/2011		10
26	NETWORKING		24/11/2011	11
27	COMUNICACIÓN EFICAZ		29/11/2011	6
			TOTAL	303

Tamén temos que destacar o incremento de empresas colaboradoras co Clube do Emprego de Cangas, que ascenden xa a 99, así como os 10.281 mails enviados ós/as nosos/as socios/as, difundindo un total de  472 ofertas de emprego, grazas os cales atoparon  emprego 73 usuarios/as (28 homes e 45 mulleres).

Pero non só nós temos que facer esta labor de análise, grazas a vosa colaboración contestando ás enquisas enviadas, obtivemos uns datos moi valiosos, quizais obxecto doutro post máis pormenorizado, destacando que un 97% dos usuarios/as utilizarían de novo este servizo.

Qué máis podemos dicir??? Pois que agradecemos sinceramente a vosa participación e que esperamos vervos nunha próxima edición.

Saúdos:

Jennifer Cristóbal Fernández
Alfredo Ríos García
José María García Velázquez
Áurea Villar Fandiño
Carmen Fandiño Docío

CANGAS COA PROMOCIÓN DO EMPRENDIMENTO

<a href="http://www.foto-gratis.es">Foto Gratis</a>

Bos días!

Sobre todo con esta que está caendo estes días, dende a Axencia de Desenvolvemento Local do Concello de Cangas continuamos coa idea do autoemprego como forma de mellora-la nosa realidade neste contorno xeral  de crise e abatimento.

Temos  en conta o voso grande acollemento ós diversos seminarios  celebrados coa colaboración de Bic- Balicia “Seminario de Motivación Emprendedora”, "Mesa Redonda de Motivación Emprendedora" e "Seminario de Xeración e Maduración de Ideas", impartidos entre os meses de outubro e decembro de 2011, e imos continuar avanzando neste camiño xa con medios propios, buscando artellar unha rede de emprendedores/as sólida e con contido.

É por iso que vos propoñemos participar connosco nunha serie de acións formativas que melloren as vosas habilidades como emprendedores/as. 

Crearemos un lugar de encontro onde poder compartir, desenvolver e experimentar habilidades e capacidades como  confianza en nós mesmos, creatividade, superación do fracaso, o risco ou a capacidade de acción, de aprender e desaprender, de pescudar, etc.

En definitiva habilidades, coñecementos e actitudes que todos debemos levar na nosa mochila, poñelas en práctica ante unha oportunidade de negocio, desenvolvelas e amplialas e como non, compartilas.

Ímosvos propoñer tres datas de encontro cun componente global, a idea de “emprender” focalizando en cada un deles as habilidades e capacidades dun bo emprendedor ou emprendedora.

Contamos convosco!

Luns 26 de decembro de 2011. Casa de Oficios Lorenzo Corbacho. Entre as10:00 e as 12:00 horas, traballando Risco, Superación do Fracaso e Confianza.

Xoves 29 de decembro de 2011. Casa de Oficios Lorenzo Corbacho. Entre as 10:00 e as 12:00 horas  , reforzando  Motivación, Creatividad, Capacidad de Acción.

Martes 10 de xaneiro de 2012. Casa de Oficios Lorenzo Corbacho. 10:00 – 12:00, ocupándonos de Flexibilidade, Capacidade de Aprender e Desaprender, Pescudar.

Interesante, verdade?

Necesaria inscripción previa nas nosas oficiñas ou vía mail adlcangas@gmail.com ou facebook http://www.facebook.com/adlcangas.

MOTIVACIÓN EMPRENDEDORA 28 OUTUBRO CANGAS

"http://www.foto-gratis.es"

Bos días,

Nestes momentos de inseguridades e incertezas, de "cambios de escenario", por dicilo dun xeito suave, é necesario estar alerta, atento/a a calqueira oportunidade.... é preciso valora-lo autoemprego.

E para facer unha valoración é obvio que debemos informarnos, contrastar puntos de vista, escoitar exemplos, interactuar..., é dicir, saír de detrás do parapeto do noso ordenador, últimamente gurú e máximo expoñente da nosa busca de emprego, e acudir a seminarios coma éste que organizamos en Cangas, onde vos queremos presentar un xeito alternativo de gañarse a vida: decidirse e emprender.

Aquí vos contamos todo sobre este evento, contaremos convosco?

SEMINARIO DE MOTIVACIÓN EMPRENDEDORA EN CANGAS

O vindeiro venres, 28 de outubro de 2011, ás 10:00 horas, terá lugar en Cangas o “SEMINARIO DE MOTIVACIÓN EMPRESARIAL”, organizado pola Axencia de Emprego e Desenvolvemento Local do Concello de Cangas, e impartido por BIC Galicia en colaboración co IGAPE.

Este Seminario, de carácter gratuito e cunha duración aproximada de 3 horas, terá como obxectivo que os asistentes valoren o autoemprego coma unha opción máis, proporcionando información relevante, recursos e ferramentas para a creación dunha empresa.

Se buscará un enfoque práctico, con exemplos e difusión de boas prácticas, e unha emprendedora afincada en Cangas relatará a súa experiencia coma empresaria.

Será o pistoletazo de saída do “Aula do Emprendedor”, servizo que se prestará como novidade no ámbito do Clube do Emprego-3, ante o importante incremento de “emprendedores/as por necesidade” que buscan no autoemprego a súa saída profesional.

INFORMACIÓN E INSCRICIÓNS: Ata o martes 25 de outubro na Axencia de Emprego e Desenvolvemento Local do Concello de Cangas.

Un saúdo, buscadores/as!!!!

HISTORIA DUN TIRAPADIANTING.

Ola a todos e todas.

Despois do merecido descanso estival, polo menos en canto a imaxinación e creatividade literaria, voltamos a publicar no blog.... e temos moito que contar!!!

Comezaremos conmemorando o nacemento do noso "#TIRAPADIANTING!!!". Un ano levamos usando xa este palabro cangués que resume a sabiduría dos nosos ancestros que dín que "ó mal tempo boa cara" e que te "vaias chorar a Cangas", pero tuneado coas armas do coaching, que hoxe en día son de grande actualidade.

E xa sabemos que o nome non é nin moi académico, nin excesivamente novedoso, incluso se pode tachar de "pouco inxenioso"... pero tanto nos ten ós que pasamos bos momentos buscando citas motivadoras, pezas musicais con marcha, ou artigos entusiastas que leven a contraria a este sentimento neboento que se extende con rapidez na nosa sociedade.

Así que, non o esquezades, #TIRAPADIANTING!!! sempre, porque non nos queda outra, e porque é, sen dúbida, o que temos que facer.

Un saúdo, buscadores/as!!!